ملفوظات شريف
صَلَّی اللّٰهُ عَلیٰ مُحَمَّدٍ وَّآلِهٖ وسلم
فقير مولوي حبيب الرحمان ميراثي رهندڙ ڏوڪري نقل ٿو ڪري ته هڪڙي ڀيري مالڪن ڪريمن تقرير مبارڪ ۾ فرمايائون۔ ته هڪڙو شخص ڳئو جو ڦر هن جي آڏو(يعني سامهون) ڪٺو تنهن تي ڳئون رڙيون پئي ڪيون۔ ۽ اکين مان پاڻي پيو وهيس۔ خدا جي قدرت ان شخص جي ٻانهن سُڪي پئي۔ گهڻا ئي حيلا۽ علاج ڪيائين نيٺ نه ڇٽو. ھڪڙي ڏينهن اوهو شخص مَنَھ ۾ ستو پيو هو ته ان ۾ هڪ جهرڪي جو آکيرو هو ۽ ان مان هڪ ٻچو هيٺ زمين تي ڪري پيو ۽ ان کي زمين تي ڪِوِلين اچي ورتو ۔ پوء ان شخص اٿي ۽ اهو جهرڪي جو ٻچو هٿ ۾ کڻي ۽ آکيري ۾ رکيائين ته مٿان قدرت واري کي رحم پيو ۽ آهسته آهسته ان جي سڪل ٻانهن ۾ وري طاقت پيدا ٿي ۽ ٻانهن چورڻ
لڳو
